Er ég sú eina sem skil ekki fermingarskeyta auglýsingar póstsins? Í alvöru? Halla fékk x mörg skeyti - efst í bekknum. Páll fékk x mörg skeyti - þriðji í bekknum! Æði!

Nei í alvöru fólk, á maður nú að trúa því að það sé flottast hjá fermingarbörnum landsins að fá flest skeyti? Eða er það kannski enganveginn tilgangur auglýsinganna?

Þegar ég pæli í því, þá eru þær svolítið góðar. Ég meina, allar gömlu frænkurnar og frændarnir sem hugsa að þau viti ekkert hvað "unga fólkið í dag" vilji fá.

Taddaradammmm.. pósturinn mætir á svæðið með auglýsingu - jú gamla fólk, það er töff að fá skeyti! Og allt gamla fólkið gleðst í hjarta sínu yfir því að skeytasendingar skulu aftur vera orðnar móðins.

peanut-butter m&m handa þeim fyrsta sem sendir mér skeyti. Alvöru. Gammeldags.

Ég er komin með sumarvinnu! eða ætti ég kanski að segja símavinnu.. Verð malandi í símann í allt sumar og þigg laun fyrir. Þótt fyrr hefði verið heyri ég einhvern segja í fjarska

Þá er bara að mixa hina vinnuna. Já, ætla að vera dugleg í sumar og reyna að safna peningum. I'll keep you posted.

 

 

 

 

Kökur og kók. Afslöppun og afmæli.

Það er góður dagur í dag 

 

Njótið lífsins í dag. Þegar þið komið í grunnskóla hættir lífið að snúast um eintóman leik og gleði. Þið þurfið að læra fullt af hlutum sem ykkur langar ekkert til að læra. Sumir þeirra verða bráðnauðsynlegir, aðrir algjörlega óþarfir.

Þegar þið komið upp í efri bekki grunnskólans er líklegt að þið orðið óánægju ykkar á námsefninu við kennarana. Þá verður ykkur sagt að bíða bara róleg. Þegar þið farið í framhaldsskóla þá megið þið velja hvað þið lærið, svo það verður allt skemmtilegt. Þetta er lygi.

 Þegar þið komið í framhaldsskóla veljið þið ykkur námsleið. Vissulega verður hún áhugaverðari og ánægjumeiri en aðrar leiðir fyrir ykkur. En það verða alltaf áfangar sem ykkur mun finnast algjörlega ónauðsynlegir. Og hundleiðinlegir. Þá kemur að lygi númer tvö. Ykkur verður sagt að bíða þangað til þið farið í Háskóla. Þá veljið þið ykkur fag og þá verður allt áhugavert og skemmtilegt.

 Þegar þið komið upp í háskóla veljið þið ykkur fag til að læra. Eitthvað sem þið hafið áhuga á. En nú er fagið komið á glænýtt plan. Allt er flóknara, bækurnar eru þykkari, málið verður óskiljanlegt og það tekur að meðaltali klukkutíma að lesa 10 bls. Þar fóru hraðlestrarprófin í grunnskólanum fyrir lítið. Og þið rekist á áðurnefnda lygi númer tvö. Það er sko aldeilis ekki ALLT skemmtilegt sem þið þurfið að læra.

 Kannski mastersnámið sé málið??

 

 

ps. mér þykir líffræði leiðinleg. rosalega. ef ég vildi læra líffræði hefði ég farið í líffræði.

pps. skynjunarsálfræði = líffræði

 ppps: mér þykir skynjunarsálfræði leiðinleg. hrikalega rosalega leiðinleg.

 

einhver sagði mér að maður gerir víst ekki svona á heimasíðunni sinni..... so i wont. eigið gleðilega helgi lömbin mín

Þrátt fyrir 15 ár í námi hef ég ekki enþá komist uppá lagið með það að skrifa ritgerðir ÁÐUR en ég er komin í tímaþröng. Svo virðist sem skáldgyðjan góða heimsæki mig ekki nema á elleftu stundu.

 Algjörlega óskilt mál, - á að skila ritgerð á morgun og fyrsta uppkast er enþá í vinslu. 

 

 

PS. Gætu þessir 45 sem kíktu á síðuna mína í dag gefið sig fram í kommentakerfinu góða. Þessi tala vekur bæði undrun og örlitla hræðslu, svona í ljósi tals ákveðinna alþingismanna um einhverskonar netlögreglu? Hvað er í gangi hér á bæ, maður spyr sig! 

Ég sá konu með hatt í dag. Mér  finnst endilega einsog hún hljóti að heita Fríða og vera frænka einhvers.

 

 

 

Hamstrarnir og telman virðast vera í myndaátaki. Ég ákvað að slást í hópinn og lét nokkrar myndir flakka inná flickrið..

slóðin er www.flickr.com/photos/sandran

Það er kominn seinni hálfleikur í dvöl okkar Bergvins á Sjafnargötunni. Tæp vika eftir og það hefur gengið nokkuð vel hingað til. Enginn fengið matareitrun, allir mætt á réttum tíma í skólann, námið rúllað ágætlega með og ég hef meira að segja drattast í ræktina nokkrum sinnum.

Það er líka kominn seinni hálfleikur í skólanum. Febrúar senn liðinn og styttist í próf. Fyrsta prófið er víst í lok apríl...ómæ...

Svo vona ég að það sé kominn seinni hálf leikur í bið okkar Bergvins eftir háteigsvegskotinu. Er samt ekki víst að við verðum komin þarna inn fyrr en í sumarbyrjun, en það kemur víst allt í ljós.Mér líst hrikalega vel á mars-apríl mánaðarmótin til flutninga... þarf endilega að hvísla því að réttum fuglum.

Annað er nú ekki mikið að frétta....

Bergvin bauð mér útað borða og í bíó í gær, í tilefni konudags. Áður en hleypt var inní salinn vorum við að væflast fyrir framan hann einsog gengur og gerist. Bergvin verður litið á lítið skilti sem á stendur stærð salarins, sætafjöldi osfrv. Seinna inní salnum, áttum við okkur á því að það væri hægt að varpa teikningu af verðandi kotinu okkar á Háteigsveginum í RAUNSTÆRÐ uppá tjaldið. Semsagt, í miðri mynd hefði ég getað sagt "Sérðu hvar nefið á Will Smith er, þarna verður sjónvarpið okkar.." Kannski ekkert skrítið að fólki á fyrsta bekk finnist erfitt að fylgjast með á báðum endum tjaldsins í einu, það er jú að líta yfir heila íbúð....!

Á morgun hefst svo það sem Lóa mágkona kallar "getnaðarvörn ársins" hjá okkur Bergvin. Við munum passa gríslingana hennar þrjá í tvær vikur. Þá er bara spurning um að setja sig í húsmóðurlegar stellingar og elda graut ofaní hersinguna.?

 

Verð að mæla með súpubarnum. Hrikalega fékk ég góða Indverska karrísúpu (með blómkáli og kókos) ásamt nanbrauði! Namm! Og verðið 620 kr spillti ekki fyrir . Alls ekki svo slæmt miðað við svipað verð á klestum Subway við hliðiná... piff!

 Í kvöld er svo kosningavaka... ætti að verða mikið stuð, sérstaklega ef úrslitin koma fyrir kl 6 um nóttina...úff!

og svo ég segji nú bara einsog hann Bergvin....

 

- lífið er dássamlegt -
 

 

Litli frændi fékk loksins nafn í gær. Herkúles heitið hefur verið lagt á hilluna (þangað til etv seinna, ef hann verður einhverntímann glímukappi mikill...) og þess í stað fékk hann nafnið Hákon Ingi. Hann var vitaskuld hæstánægður með nýja fína nafnið sitt

Helgin leið semsagt hratt. Undirbúningur, þrif og skírn. Þriðja (!!!!!) skólavikan er hafin og því nóg að gera. Vikan verður tekin í að hella sér í fóstursþroska, Freud og líffræði sjónskynjunar. Vúbbídú.

...

Ég þekki mann sem á skelfilega nágranna. Verstu tegund. Hávaðasama, ótillitssama, frekja, yfirgangssama, illa lyktandi nágranna. Nefni ekki manninn, en nafn hans byrjar á B og endar á Ergvin.

Foreldrar mannsins eru farnir til útlanda í tvær vikur. Þessi tími verður vel nýttur. Hvernig? Jú dæmi..

Allar setningar verða sagðar tvisvar sinnum, einu sinni eðiliega og einu sinni í hálfgerðum söngvamyndar-öskursstíl, nógu hátt svo það heyrist örugglega á efri hæðina og vekji þar undrun og ótta nágrannana (semsagt svipaðar tilfinningar og öskur og læti nágrannana hafa vakið í brjóstum heimilisfólksins á undanförnum misserum)

Útvörp á heimilinu munu aðeins hafa tvær stillingar á meðan að við verðum að heiman. Slökkt og á hæsta. Nei annars, aðeins eina stillingu - á hæsta!

Heimilisfólkið mun hafa sig á fætur klukkan sjö á morgnanna og stilla áðurnefnt útvarp. Jafnvel fyrr.

Já gott fólk, þetta er aðeins byrjunin. Hugmyndir óskast.

Já og ef einhver á eyrnahlífar til að lána í 2 vikur, væri það rosalega vel þegið!